ВЕЛИКИЙ ВТОРНИК

Пролог (аудио)


Святой и Великий Вторник

Во святой и Великий Вторник также, как и в Великий Понедельник, на утрени поется тропарь:

Се, жених грядет в полунощи... (аудио)

Се, Жени́х гряде́т в полу́нощи, и блаже́н раб, его́же обря́щет бдя́ща: недосто́ин же па́ки, его́же обря́щет уныва́юща. Блюди́ у́бо, душе́ моя́, не сно́м отяготи́ся, да не сме́рти предана́ бу́деши и Ца́рствия вне затвори́шися, но воспряни́ зову́щи: Свят, Свят, Свят еси́, Бо́же, Богоро́дицею поми́луй нас.

Синаксарь

Стихи:
Вторник Великий десять нам дев представляет,
Запечатлевших победу Того, Кто на лица не зрит.

Богоносные отцы предлагают нам сегодня притчу о десяти девах, научающую всегда бодрствовать и быть готовыми к встрече истинного Жениха с добрыми делами, и особенно милостыней, потому что неизвестен день и час кончины. Подобно тому, как вчера примером Иосифа научались мы целомудрию, а примером смоковницы – приносить духовный плод.
О Женише Христе, сопричисли нас к мудрым девам, и присоедини к избранному Твоему стаду и помилуй нас.

Песнопения Великого Вторника

Святитель Андрей Критский напоминает о приближающемся Втором Пришествии Христовом:

Гото́вь сама себе́, о душе́ моя́, ко исхо́ду: прише́ствие приближа́ется неумоли́маго Судии́.

Слышала еси́, душе́ моя́, Судии предвозглаша́ющу и уча́щу тя вре́мени кончи́ны: гото́ви я́же на исхо́д де́ла, да не я́ко неиску́сна Бо́га отве́ржена бу́деши.

Час, душе́, конца́ помы́сливши и посече́ния смоко́вницы убоя́вшися, да́нный тебе́ тала́нт трудолю́бно де́лай, окая́нная, бо́дрствующи и зову́щи: да не пребу́дем вне черто́га Христо́ва.

И́кос:
Что́ уныва́еши, душе́ моя́ окая́нная? Что́ мечта́еши безвре́менно попече́ния неполе́зная? Что́ упражня́ешися к мимотеку́щым? После́днейший час есть отсе́ле, и разлучи́тися и́мамы от су́щих зде, до́ндеже вре́мя и́маши, возни́кни зову́щи: согреши́х Ти, Спа́се мой, не посецы́ мене́ я́коже непло́дную смоко́вницу, но я́ко благоутро́бен Го́споди, уще́дри со стра́хом зову́щую: да не пребу́дем вне черто́га Христо́ва.

Черто́г Твой ви́жду, Спа́се мой, украше́нный, и оде́жды не и́мам, да вни́ду в онь: просвети́ одея́ние души́ мое́й, Светода́вче, и спаси́ мя.

Во све́тлостех святы́х Твоих, ка́ко вни́ду, недосто́йный? А́ще бо дерзну́ совни́ти в черто́г, оде́жда мя облича́ет, я́ко несть бра́чна, и свя́зан, изве́ржен буду от А́нгелов: очи́сти, Го́споди, скве́рну души́ моея́, и спаси́ мя я́ко Человеколю́бец.

Кончи́ны вре́мя, обрати́мся про́чее, Христо́с учи́т: Прии́дет бо во мгнове́нии, прии́дет и не уме́длит, суди́ти ми́ру всему.

Отве́рзеся черто́г, украси́ся с ним Боже́ственный брак, Жени́х близ призыва́яй нас, угото́вимся про́чее.

Я́ко свещы́ све́тлыя украси́вше ду́шы, Жениху́ приходя́щу, к нетле́нному бра́ку, пре́жде заключе́ния двере́й, вни́дем с Ним.

Отпу́ст

Гряды́й, Го́споди, на во́льную страсть на́шего ра́ди спасе́ния, Христе́, И́стинный Бо́же наш, моли́твами Пречи́стыя Своея́ Матере, святы́х сла́вных и всехва́льных апо́стол, святы́х и пра́ведных Богооте́ц Иоаки́ма и А́нны, и всех святы́х, поми́луй и спаси́ нас, я́ко Благ и Человеколю́бец. Ами́нь.